John Bromwich

Vun Wikipedia
Zur Navigation springen Zur Suche springen
John Bromwich

John Edward Bromwich (* 14. November 1918 in Sydney; † 21. Oktober 1999 in Geelong) weer en austraalsch Tennisspeler.

Leven un Loopbahn

Tosommen mit Adrian Quist bill Bromwich en vun de weltbest Herrendüppel in de 1930er bit 1950er Johren. In't Eenzel hett de Rasenspezialist 1939 un 1946 bi de Australian Open wunnen. Todem stunn he in de Johren 1937, 1938, 1947, 1948 un 1949 in dat Finale vun dat Grand-Slam-Turnier. In' Düppel wunn he van 1938 bit 1950 acht Mal un in't Mixed weer he eenmal (1938 an de Siet vun Margaret Wilson) spoodriek. In Wimbledon keem he 1948 bit in't Finale, kunn dor aber dat Endspeel nich gegen Robert Falkenburg winnen. Dorgegen wunn he dor 1948 un 1950 in't Düppel (mit Frank Sedgman bzw. Adrian Quist).

Ok bi de US Open weer he 1939 (mit Adrian Quist), 1949 (mit Bill Sidwell) un 1950 (mit Frank Sedgman) in't Düppel spoodriek. Mit Australien wunn he todem 1939 un 1950 den Davis Cup.

1984 wurr he in de International Tennis Hall of Fame upnommen.

Weblenken